Panasonic 洗碗碟機...試用報告

呢架Panasonic NP-TR1HECN洗碗碟機係5月時淘番黎嫁...RMB 4250...未計運費...送到廣州集運再送香港...運費會平D...約RMB2XX...如果直到香港好似約RMB5XX

朋友的用過...話好好用...又易安裝...打去Panasonic問過...當時話暫時唔入...不過E+又好似入了...總之我用左幾個月...終於可以有報告了...

價完價錢...就講安裝...只要搵到安置呢部野的地方...安裝可以算是十分簡單...

本身有條入水喉從機身後面伸出...作為入水位

老爺懶惰...叫我每晚像上圖將入水喉扣在水龍頭上...再開水喉就可以...其實應該是可以入水位同水龍頭可以分開安裝...因為現時啟動洗碗碟機後...就無水龍頭用及要折除濾水器...不過已十分感激懶惰老爺完成安裝

出水位就淘埋一條原裝接駁喉...將喉放在水盆水...直接出水...

呢個配件是隔渣器...洗完碗後就只須要清洗這個配件...及抹一抹防這個配件附近的位置就可以了...這樣每晚就有好日子過了...仍然要多謝老爺..哈哈!!!

價完價錢...講安裝...就講佢好唔好用了...即係功能...好用...堅好用...

好多人無用過洗碗碟機...就會講 "又要沖一沖水...才放入洗碗碟機內...咁未同自己洗一樣"...我可以好清楚咁講 "沖一沖水同洗乾淨D碗...完全係兩件事...心情上都係兩件事"...而且都未必要沖一沖...

用"少量碗碟模式"...洗碗碟機要用成1小時15分鐘...自己洗可能只是30-45分鐘的事...但至少我每晚有多最少30分鐘用

功能...由溶量講起...

我全家人...只有2個...但由於我廚藝不精...煮食時所用的碗碟永遠都不少...好彩通常都可以放入哂所有碗碟...以下有放滿碗碟的相

18 LC至20LC煲、花花 Buffet 都可以放入

Mixing Bowl、23cm 的碟都可以放入

在最出面可放埋個 chopping borad

氣炸鍋的pan都夠位

Grill Pan 都放入去

功能...再講清洗能力...由於我未用過其他牌子...我只可以講呢架機唔錯...氣炸鍋易潔盤上實的的污垢...也清得乾乾淨淨...只是蛋漬比較難清走...有陣時 chopping borad 會仍有一此因烘乾後的小小食物殘渣...及烘乾後碗碟的頂部仍有少量水份

鍋內的麵條是乾左...及黏實在鍋內的

洗完後是乾乾淨淨的

不算太難搞的 grill pan...我洗左2次

第一次洗完的情況...其實像是我自己平時洗完的情況...所有我再放入洗碗碟機...再洗

第二次的效果就好滿意了...終於有佢幫我對付又愛又恨的 grill pan 了

最後講到日常洗費...即係用水量及洗碗粉的開支

水費方面亦沒有大幅度增加

洗碗粉...1樽1kg...約用2個月...不算太貴


總結...真係早買早享受...現在每晚心理質素都好好...好似多左好多時間用咁...就算搞到要夜食飯...個人都無咁唔開心...最後新聞時才開始洗碗...全晚就好似無休息過咁呀...洗碗碟機原來係維持良好婚姻關係重要的家庭電器呀...哈哈!!!